Ernaiko kideek adierazi dutenez, “inposatutako jai egunei aurre egin” eta gazteriaren ahotsa kalera ateratzea da helburua. Nabarmendu dutenez, azken hilabeteetan “mugen itxierak, euskararen kontrako erabakiak eta diskurtso faxisten presentzia” areagotu egin dira, eta horren aurrean erantzun sendoa emateko beharra ikusten dute. Horregatik, gazte antolakundeak irmo adierazi du bere apustua: feminismoaren aldeko borroka, euskararen defentsa, jarrera antifaxista eta independentismoa izango dira egunaren ardatzak.
Ernairen iritziz, borroka hauek “Euskal Herri aske baten aldeko bidean” kokatzen dira, eta gazteek eginkizun erabakigarria dutela azpimarratu dute. Horregatik, abenduaren 6ko egunez gain, aurrerantzean antolatuko diren ekimenetan parte hartzera animatu dituzte gazteak, etorkizuneko herri eredua eraikitzeko lanean jarrai dezaten. Ekitaldien egitarau osoa jendaurrean jarri dute dagoeneko