Bart goizeko 4:00ak aldera Bidasoko suhiltzaileek Anaka auzoko Jaizkibel kalean su hartu duen ibilgailu bati buruzko abisua jaso dute. Sugarrak azkar hedatu dira aldamenean aparkatua zegoen beste ibilgailu batera, eta hirugarren bat ere kaltetu dute. Bidasoko suhiltzaileek aditzera eman dutenez, hasiera batean suteen indarrak kezka sorrarazi du, Jaizkibel kaleko 12.ean etxebizitza bat kaltetzeko arriskuagatik. Baina azkenean guztiz kiskalitako bi ibilgailu eta hunkitutako hirugarren bat izan ezik, ez da bestelako kalte materialik suertatu.
