Konekta zerbitzuko Aitziber Arruabarena, Artiako gaztelekuko Lierni Soaje eta Martindozenea gaztelekuko Amaia Izetarekin elkartu gara. Hasi berri dugun 2026 urtean, beraiek kudeatzen dituzten zerbitzuen inguruan hitz egin dugu. Konekta zerbitzua eta Irungo gaztelekuak 12 eta 18 urte bitarteko haur eta gazteei zuzenduta daude. Gazteei aisialdirako espazio seguruak eskaintzen dizkiete, parte-hartzea eta harremanak sustatzeko helburuarekin. Konekta zerbitzuak, ohiko jarduerez gain, ekintza bereziak ere antolatzen ditu. Otsailaren 7an, 16 eta 30 urte bitarteko gazteei zuzendutako pala txapelketa bat egingo dute. Artia eta Martindozenea gaztelekuak bi gune ezberdinetan kokatuta dauden arren, jarduera batzuk elkarrekin antolatzen dituzte. Urtarrilaren 27an sukaldaritza tailer bat egingo dute Martindozenea gaztelekuan.
Bestalde, “Irun Bixi” ekimenaren bidez, hilabete amaieran, azken ostegunean, gazteak elkartzen dira Irungo hiria hobetzeko ideiak proposatzeko. Gainera, Artia eta Martindozenea gaztelekuek Irungo inauterietan parte hartuko dute, karroza batekin, eta otsailaren 14ko desfilean izango dira.
Martindozenea Gaztelekua
Elizatxo hiribidea, 18 | Irun – Gipuzkoa
Ordutegia:
Astearte, asteazken eta ostegunetan: 17:00–20:00
Ostiral eta larunbatetan: 17:00–21:00
943 63 68 26
WhatsApp: 690 706 471
Artia Gaztelekua
Julio Caro Baroja plaza, 3 | Irun – Gipuzkoa
Ordutegia:
Astearte, asteazken eta ostegunetan: 17:00–20:00
Ostiral eta larunbatetan: 17:00–21:00
943 50 09 61
WhatsApp: 681 946 798