BorBor kolektiboak Udaberriko Eskola Politikoaren bigarren edizioa antolatu du. Martxotik ekainera bitartean hainbat hitzaldi eta topaketa egingo dituzte Irunen. Helburua da formakuntza politikoa lantzea eta gogoeta kritikoa sustatzea.
Antolatzaileek azaldu dute eskola politikoa komunitatean pentsatzeko eta ikasteko gunea dela. Saioetan teoria eta praktika uztartu nahi dituzte. Horrela, mundua ulertzeko tresna kritikoak garatu eta tokiko borroka politikoekin lotu nahi dituzte.
Egitarauan hainbat gai jorratuko dituzte. Besteak beste, nazio askapena, ekosozialismoa, antiarrazismoa, transfeminismoa eta kultura kritikoa landuko dituzte. Saioetan hainbat hizlari izango dira: Ibai Atutxa, Martin Lallana, Txeffi Rocco, Mireia Vehí, Anna Gabriel, Elene Lopetegi, Iñi Etxezarreta, Arantza Santesteban eta Ramon Zabalegi.
Saioak martxoaren 12an hasiko dira, “Nazioa, euskara eta borroka emantzipatzaileak” izeneko hitzaldiarekin. Ondoren, beste hainbat topaketa egingo dituzte ekainera arte. Antolatzaileen arabera, eskola politikoak elkargune izan nahi du pentsatzeko, ikasteko eta borroka kolektiboak indartzeko.
Martxoak 12 – Nazioa, euskara eta borroka emantzipatzaileak
Hizlaria: Ibai Atutxa
Hizkuntza: Euskara
Lekua: Arbesko Toki alai eskola
Martxoak 26 – Bizitzaren alde, trantsizio ekosozialista
Hizlaria: Martin Lallana
Hizkuntza: Gaztelania
Lekua: Arbesko Toki alai eskola
Apirilak 16 – Ez baikara anti-arrazista jaio, ekinak egingo gaitu
Hizlaria: Txeffi Rocco
Hizkuntza: Euskara
Lekua: Arbesko Toki alai eskola
Maiatzak 16 – Askapen nazional eta soziala XXI. mendeko Europan: Herrialde Katalanetatik irakaspenak
Hizlariak: Mireia Vehí eta Anna Gabriel
Hizkuntza: Gaztelania
Lekua: Hazia elkartean
Maiatzak 28 – Hitz egin genezake euskal transfeminismoaz?
Hizlariak: Elene Lopetegi eta Iñi Etxezarreta
Hizkuntza: Euskara
Lekua: Arbesko Toki alai eskola
Ekainak 6 – Kultura kritikoa eta munduberrigintza
Hizlariak: Arantza Santesteban eta Ramon Zabalegi
Hizkuntza: Euskara
Lekua: Lakaxita gaztetxea
+Hitzaldi guztiak arratsaldeko 18:00etan