Aldabe mendiko San Martzial ermitaren estalkia eta leihoak berritzeko 366.544 euroko kontratazioa onartu zuen joan den martxoan Irungo Udal Gobernu Batzarrak. Eta aste honetan aditzera eman dutenez, azkenik UNEBIDE OBRAS Y
CONTRATAS, S.L. enpresari esleitu diote kontratua aurreikusitakoa baino merkeago. Izan ere, 285.904 euroko kontratua esleitu du udalak hiru hilabetez luzatuko diren lanak egiteko.
Irungo Udalak aditzera eman duenez, eraikinaren kanpoaldea birgaitu nahi dute, estalkia eta leiho guztiak berrituz. Era berean, teilatuak izan ditzakeen ur itogin arazoak konpondu nahi dituzte estalkia berritzearekin batera. Eta ermitaren isolamendu termikoa hobetuko dute.