Larunbatean 16:30ean emango diete auzoko jaiei hasiera, txupinazoa eta Santiagoko bandera igoerarekin. Eta astebetez Santiago kalea itxita egongo da zirkulazioarentzat. Izan ere, urtero bezala, Irungo udako auzoko jaien artean jendetsuena ospatuko dute Santiago-La Bañera auzo elkarteak antolatuta. Haur eta helduentzako ekintzak prestatu dituztela azaldu digu auzo elkarteko Amaia Navarrok. «Auzokide guztiak batzea» helburu dituen jaiak antolatzen dituzte. Betiko hitzorduak mantendu eta berriak sortu nahi izaten dituzte urtero, horregatik 50 ekintza inguru antolatu dituzte uztailaren 18tik 25era bitartean.
Adin guztientzako jolas herrikoiak, zezen suzkoa, bingoa, eta arratsaldero, 17:30ean urezko zezen txikiak eta 19:00etan erraldoi eta buruhandiak, edota txikien danborrada izango dira hitzorduetako batzuk. Baina musikari ere garrantzia ematen diotela azpimarratu digu Navarrok. Hori dela eta, Burrunba elektrotxaranga, Los Trankilos fanfarrea, IGA abesbatza eta hainbat DJ izango dira auzoan. Larunbata honetan jaiak hasteko Oihan Vega gonbidatu dute 23:00etatik aurrera.
Gainera, esker berezia eman nahi izan die Navarrok, antolakuntza lanetan aritzen direnei, barraren alde batean zein bestean aritzen direnei, auzoko komertzioei baita rifak edo jaietako programa erosten dituztenei ere.
Amaitzeko antolakuntza lanez mintzatu da Navarro. Lan hauek urtarrilean hasten dituzte, auzo elkarteko batzarrean, orduan irekitzen baitira besteak beste baimenak eskatzeko epeak. Hau horrela, egitaraua behin itxura hartzen hasi denean kolaboratzaile taldeari aurkezten diote iritzi ezberdinak biltzeko. Ostean 30 lagun inguruko lantaldea martxan jartzen da azkeneko prestaketei ekiteko, baita jaietan zehar beharrezko antolakuntza lanetan laguntzeko ere.
Uztailak 18 - larunbata
16:30 TXUPINAZOA ETA BANDEREN IGOERA JAIEI HASIERA EMANEZ.
17:00 ZEZEN TXIKIEN ENTZIERROA ALDAPA ELKARTETIK.
17:30 6. SANTIAGOKO OLINPIADAK.
19:00 BARBAKOA.
19:00 BURUHANDIAK.
20:00 A 21:30 OIHAN VEGA (AURREKONTU-HARTZAILEAK).
21:00 OLINPIADEN AFARIA.
21:30 OLINPIADA SARIEN BANAKETA.
23:00 OIHAN VEGA
01:00 BINGOA.
01:00 ITXI ARTE: DJ DAVID.
02:00 GAU PASA.
02:00 MAKARROIAK.
Uztailak 19 - Igandea
10:00 ADIN GUZTIETARAKO MAHAI TENIS TXAPELKETA, IRUNGO LEKA-ENEA TM KLUBAK ANTOLATUTA.
12:00 HERRI KIROLAK.
13:00 IGA ABESBATZA.
13:00 HURBILDU VERMUTA ETA PINTXOAK HARTZERA!
16:00 “EL BULE” MUS TXAPELKETA. (Izen emateak 10€ bikoteka)
17:30 JOLAS HERRIKOIAK SANTIAGO KALEAN (SOKATIRA, TOKA)
19:00 SOL DE LOTO EMANALDIA, DANTZA LINEAN.
19:00 SARDINA-JANA.
Uztailak 20 - Astelehena
17:00 ZEZEN TXIKIEN ENTZIERROA ALDAPA ELKARTETIK.
17:30 PINTURA LEHIAKETA.
19:15 PINTURA LEHIAKETAREN SARI BANAKETA.
19:30 BURUHANDIA
Uztailak 21 - Asteartea
17:00 ZEZEN TXIKIEN ENTZIERROA ALDAPA ELKARTETIK.
17:30 APAR FESTA SANTIAGO KALEKO PLAZAN.
19:00 HAUR DANBORRADAREN ENTSEGU.
20:00 BURUHANDIAK.
Uztailak 22 - Asteazkena - Umeen eguna
17:00 ZEZEN TXIKIEN ENTZIERROA ALDAPA ELKARTETIK.
17:30 DIRU-ZORROAK APAINTZEKO TAILERRA, ARTIAKO GAZTELEKUAK ANTOLATUA. KALEKO HEZITZAILEEK ANTOLATUTAKO TATUAJEAK.
19:00 BURUHANDIAK.
Uztailak 23 - Osteguna
17:00 ZEZEN TXIKIEN ENTZIERROA ALDAPA ELKARTETIK.
17:30 TXOKOLATADA (SAN JORGE TXURRERIA-ren lankidetzarekin).
17:30 TATTO, GLOBOFLEXIA ETA PINTAKARA POSTUA.
17:30 HERRI-JOLASAK HAURRENTZAT (Zinten, panotxeen, zakuen lasterketak, sokatira….).
19:00 HAURREN DANBORRADA ENTSEGUA ALDAPA ETA PEÑA POTEO TXARANGAREKIN.
20:30 BURUHANDIAK.
Uztailak 24 - Ostirala
18:30 HAUR ETA ALDAPAKO HELDUEN DANBORRADA HANDIA.
19:45 LORE ESKAINTZA AMA BIRJINARI JUNKAL ELIZAN.
22:30 TRANKILOEKIN MOLDEAK HAUSTEN. ETORRI DENA EMATERA!
23:00 SUZKO ZEZENAK REDONDO - MARTIN ABELTZAINTZA.
00:00 BINGOA.
02:00 GAU PASA.
03:00 MAKARROIAK.
Uztailak 25 - Larunbata
8:00 DIANA AUZOKO HAINBAT TOKITAN.
9:00 TXISTULARIEN DIANA.
12:00 POLKAK, IRUNGO HIRI MUSIKA BANDAREN ESKUTIK.
17:00 PATATA-TORTILA LEHIAKETA, SANTIAGOKO KONPAINIAREN ESKUTIK.
18:00 PEÑA POTEO TXARANGAREN ANIMAZIOA.
19:30 PATATA TORTILLA TXAPELKETA SARI BANAKETA (BIDASSOA BASQUE BREWERYK eta GOIEKO babestua). III. EDIZIO SARIA “JAVIER VERGARA” FELIX MANSO JATETXEAK BABESTUA.
20:00 SANTIAGOKO RIFEN ZOZKETA, OHOLTZAN.
20:30 BURUHANDIAK.
22:30 A 00:30 BURRUMBA ELEKTROTXARANGA.
23:00 REDONDO – MARTÍN ABELZAINTZA SUZKO ZEZENAK.
00:30 A 03:00 DJ SANTIAGO.
03:00 JAIEN AMAIERAKO TXUPINAZOA.