Ficoba manga, anime, bideo-joko, cosplay eta Japoniako kulturaren zaleen topagune bihurtuko da irailaren 19an eta 20an, ExpOtaku Irun 2026 ekitaldiarekin. 2015ean Ficobara lehen aldiz iritsi zenetik, ekitaldia urtero zale ugari biltzen dituen hitzordu bihurtu da.
Bi egunetan zehar, jarduera ugari izango dira, besteak beste, cosplay eta karaoke lehiaketak, K-pop dantzak, mahai-jokoak, tailerrak eta ramen pikantearen erronkak. Gainera, bideo-jokoen zaleek hainbat txapelketatan parte hartu ahal izango dute, hala nola Mario Kart World, Tekken 8 edo Super Smash Bros. Ultimate jokoetan.
Bertaratzen direnek sormen-tailerrak ere izango dituzte eskura, One Piece, Jujutsu Kaisen edo Death Note bezalako serieetan inspiratutako objektuak egiteko. Horrez gain, Matsuri gunean Japoniako tradizioekin lotutako jarduerak eta yukata jantziekin argazkiak egiteko aukera izango da.
ExpOtaku larunbatean, irailaren 19an, 10:00etatik 21:00etara egongo da zabalik, eta igandean, irailaren 20an, 10:00etatik 20:00etara. Sarrerak 12 euro balio du egun baterako, eta 22 euro bi egunetarako bonuak. 4 urtetik beherako haurrek doan sartu ahal izango dute.
Egitarau osoa webgunean:
https://www.expotaku.com/irun/programa/