0-1eko markagailuarekin bertze porrot bat jaso zuen Carlos Garciaren taldeak etxeanReal Unión Roca: Rodríguez; Arteaga (Ugartemendia, 45. min.), Sarr, Martínez-Barranco, Elizetxea; Dolado (Rodríguez, 76. min.), Corvo (Letamendia, 58. min.), Sánchez, Burón (Fernández, 58. min.), Sainte-Rose (Tellechea, 58. min.); Palenzuela.Bergara KE: Basterra; Molina, Laskurain, Azkarate, Elizburu; Ugalde, Leizeaga (Xabier Azpiazu, 77. min.), Moñux (Arabaolaza, 86. min.), Etxaniz (Garmendia, 63. min.), Jauregi (Barrutia, 89. min.); Olabarrieta (Martín Azpiazu, 61. min.).Emaitza (0-1): 0-1, Jauregi (30. min.).Epailea: Iñaki Tejadas Aguirre. Txartel horia atera die Sarri (69. min.) eta Rodríguezi (89. min) Real Unión Rocan eta Ugalderi (25. min.), Martín Azpiazuri (83. Min.), Basterrari (87. min.) eta Arabaolazari (88. min.) Bergara KE taldean.Bestelakorik: Gizonezko Ohorezko Erregional Mailako 1. Multzoko ligako 5. jardunaldia. Galeko anexoa. 300 ikusle inguru.Real Union Rocak porrota jaso zuen pasa den larunbatean Bergararen kontra, etxean, jokatutako partiduan. 0-1eko markagailuarekin, ezin izan du neurketa berdindu, eta oraindik ere denboraldi honetan garaipenik lortu gabe dago Carlos Garciaren taldea. Lehen ordu erdian sartu zuen Bergarak gola, Jauregiren eskutik. Geroztik, Real Union Rocak ezin izan zuen partidua berdindu eta beraz, aurkariak eraman zituen jardunaldi hiru puntuak. Talde txuribeltzak ez du garaipenik lortu Ohorezko Erregional mailara bueltatu denetik. Hiru porrot eta bi berdinketa eskuratu ditu orain arte, eta bi puntu batu ditu sailkapenera oraingoz. Heldu den asteburuan, Deusto FC bisitatuko dute irundarrek.