Asier Gonzalezen taldeak garaipena eskuratu nahi du berriz ere play-off postuetan sartzekoTxingudi Errugbi Klubeko Biok Txingudi Plaiaundira bueltatuko da asteburu honetan. La Unica taldea jasoko du etxean, bihar (azaroaren 25ean) 16:00etan. Asier Gonzalezen taldeak garaipena eskuratzeko helburua izanen du, berriz ere sailkapeneko play-offeko postuetan sartzeko.Iruñeako La Unica taldea izanen da bihar Plaiaundin, Biok Txingudik taldearen kontra lehiatzeko. Sailkapenean puntu bakarreko aldea dute bi taldeek eta partidu borrokatua izanen da biek ere helburu berak izanen dituztelako. Etxekoak, Bilbon jasotako porrotaren ondotik, prest daude euren indar guztiak zelairatzeko eta puntuak irabazteko, sailkapenean gora egiteko.14 urtez azpikoak Donostian14 urtez azpiko taldeak aurredenboraldiko azken hitzordua izanen du asteburuan ere. Bihar, 13:00etan, Donostiako Miniestadion izanen dira, Bera Bera eta Gaztedi A taldeen kontrako bi lagunarteko jokatzeko. Honen ondotik, Gipuzkoako Ligari hasiera emanen diote heldu den asteburuan, denboraldiko lehen jardunaldiarekin.(Argazkia: Freddy Monfoto)