Talde txuribeltzeko jokalari ohia klubera bueltatuko da Iñigo Idiakezen taldean lan egitekoReal Unionek jakitera eman duenez, Mario Capelete izanen da klub txuribeltzeko lehen taldeko hausnarketari berria. SD Gernikatik bueltatuko da irundarra etxera, Iñigo Idiakezen lan taldean aritzeko. Real Uniongo maila guztietatik pasatu den jokalaria izan da Mario Capelete irundarra. 2012/13an lehen taldearekin egin zituen aurredenboraldiko prestaketak, oraindik jubenila zela. Bere debuta hori baino lehenago ailegatu zen, hain zuzen ere, 2012ko uztailaren 28an, Txerloia zelaian, CD Anaitasunaren kontrako lagunartekoan (0-5). Hala ere, partidu ofizial batean debuta 2016ko irailaren 25ean, Bigarren B mailan, Urbietan SD Gernikaren kontrako neurketan (2-2). Real Oviedotik ailegatu zen orduan Capelete. Orduz geroztik, Real Unionen gelditu zen irundarra eta guztira, 157 norgehiagoka jokatu ditu lehen taldearekin, eta 16 gol sartu. 2023ko ekainean gainera, Real Unionen Urrezko Intsignia jaso zuen Capeletek.