JACOBO CUETARA: “LEON BIGARREN ITZULIKO TALDERIK ONENETAKOA DA, ETXEAN BATEZ ERE, ETA ZAILA IZANEN DA GARAIPENA LORTZEA”

Bidasoa Irunek Ademar Leon bisitatuko du igande honetan, apirilaren 21ean, 17:00etanBidasoa Irunek Ademar Leonen kontrako partidua jokatuko du igande honetan, apirilaren 21ean, 17:00etan. Aurkaria bigarren itzuliko talde onenetarikoa da, batez ere etxean. Izan ere, soilik Barçak lortu du leondarra garaitzea Plenitude ASOBAL Ligako bigarren itzuli honetan. Zaila izanen da neurketa beraz, baina Bidasoak dagoeneko puntuak irabatzeko gakoak ditu burutan. Jacobo Cuetarak jakinarazi duenez, Ademar Leon “bigarren itzulian ongi lehiatzen ari da, batez ere etxean. Soilik Barçak lortu du bertan irabaztea eta bertze aurkari guztiak neurketatik kanpo uzten ditu lehen zatirako”. Hau guztiagatik, neurketa zaila izanen da Bidasoarentzat igande honetako, baita “historikoagatik, klubagatik eta eskenatokiagatik” ere. Garaipena eskuratzeko gakoa talde horiaren defentsan izanen dela argi du Cuetarak: “Gure defentsan egonen da gakoa. Ademarrek lasterka egiten duen taldea da eta hor egon daiteke ere gakoa. Gu defentsan ongi gaudenean, erosoago aritzen gara eta hor egon daiteke garaipena. Horrez gain, kontraerasoei begiratu beharko diegu”. Bidasoak ez du aitzinera begiratzen, ezta sailkapenean gibeletik duen Granollersi ere. “Gugan pentsatu behar dugu, igandeko partiduan eta ahalik eta puntu gehien irabaztean”, jakinarazi du prestatzaileak. Azken neurketa hauek garrantzitsuak izanen dira, “aurkariek uste baino gehiago izanen baitutelako jokoan eta neurketa zailak izan daitezkeelako”. Hala ere, irundarrek eurengan pentsatuko dute eta lehen begirada, igande honetan Ademar Leonen kontra jokatuko duten partiduan izanen dute. (Argazkia: Arrate Morales)