Dominez gain, estatu mailako txapelketan parte hartzeko minimoak ere lortu dituzte zenbait atletekEuskadiko Txapelketa ospatu zen pasa den asteburuan Durangon, 16 urtez azpiko kategorian. Bertan izan ziren Bidasoa Atletiko Taldeko atletak eta guztira, hamabi domina eskuratu zituzten (urrezko lau, zilarrezko bortz eta brontzezko hiru), baita estatuko txapelketan parte hartzeko zenbait marka minimo ere. Emakumeetan Uzuri Martiarenak lortu zuen urrezko domina diska jaurtiketan, 33,84 metrorekin, eta 16 zentrimetro falta izan zituen estatuko minimorako. Horrez gain, Martiarenak zilarrezko domina ere eskuratu zuen xabalina jaurtiketan, 32,93 metroko jaurtiketa eginda. Elene Salcedok eta Hai Duong Alzagak ere urrezko domina bana irabazi zituzten. Salcedok 300 metroko hesi-larterketan lortu zuen garaipena (44,90 segundu eta estatuko minimoa) eta Alzagak 300 metroko lasterketan lortu zuen (41,98 segundu). Azkenik, Olatz Elizasuk zilarrezko domina eskuratu zuen diska jaurtiketan (26,73m). Gizonetan, Iker Anaut izan zen atletatik azpimarragarriena. Bi domina eskuratu zituen gazteak, bata urrezko pertigan (3,40m) eta bertzea, brontzezkoa luzera-jauzian (5,69m). Ibai Anaut anaiak ere zilarrezko domina poltsikoratu zuen pertigan, 3 metroko jaurtiketarekin). Eñaut Arburua eta Unai Gonzalez txapeldunorde izan ziren bi probetan. Arburuak 300 metroko hesi-lasterketan lortu zuen zilarrezko domina (42,08 segundu, 8 zentesimara izan zuen estatuko minimoa) eta Gonzalezek 1000 metroko lasterketan (2:42,60 minutu eta estatuko minimoa lortuta). Beñat Lekuonak ere brontzeko domina eskuratu zuen altuera-jauzian (1,60m) eta azkenik, Jon Andianok ere hirugarren postua eskuratu zuen 300 metroko lasterketan (39,25 segundu).