Iaz, 2023an 10 urte bete zituen Lesakako Elutxa txarangak. Urteurrena ospatzeko, diska bat grabatzen aritu ziren eta azken asteotan iritsi da gure esku-belarrietara “TTAK!” izenburupean 11 abestiz osatzen den diska. Txarangako kideek zein haien ezaguneko konposatutako abestiak, bertsioak… denetik aurki dezakegu diskan, betiere txarangako doinu alaiekin, noski. Joseba Bertiz eta Bixen Telletxea txarangako kideak izan ditugu irratian.