Albistur kaleko obrak 2026 urtearekin batera hasi ziren Lesakan. Lehen lanek ez dute trafikoan eragin gehiegirik izan, baina bihartik aitzinera, lan nagusien hasmentarekin batera, Albistur kale nagusia moztuko dute eta trafiko guztia Antoiu karrikatik bideratuko da lau hilabetez. Semaforo batek arautuko ditu pasabideak, Antoiu kalea bi noranzkoetan erabiliko baita.
Lesakako Udalak herritarrei eskatu die, ahal dela, joan-etorriak oinez edo bizikletaz egitea. Aldi berean, bi aparkaleku egokitu ditu Udalak, Osasun Zentroaren gibelean eta Suhiltzaile parkearen ondoan, autoak bertan utzi eta herrira oinez joan ahal izateko. Ikastetxeetako ikasle, familia eta irakasleengana ere zuzendu da Udała, ohar bidez. Hauei ere joan-etorriak oinez edo bizikletaz egitea aholkatu diete, baina kotxez joatea ezinbertzekoa bazaie, ikastetxeetatik irteteko hilerritik egitea eskatu diete, herri sarrerako biribilgunera ailegatu eta handik, herri barrenera berriz ere sartzeko, Antoiu kaletik joateko.
Banaketa kamioi edo kamionetei dagokionez, Lesakako Udalak fabrikatik pasatzea eskatu die, herrigunera sartu eta bertatik ateratzeko. Asteburuetan berriz, kamioi bat pasatu beha bada, herriko etxera deitu behar duela jakinarazi du, baimena eskatu ahal izateko.