Magala

“De amar y desandar” diskaren aurkezpen bira hasi berri du Idoia Asurmendi abeslari aramaioarrak. Horren aitzakipean eseri gara bere magalean, eta diskari errepaso bat emateaz gain musikari gisa dituen zenbait hausnarketa partekatu dizkigu. 

Irati Fagoaga beratarrak nutrizio ikasketak burutu zituen Gasteizen, eta egun, lan horretan dihardu. Gaztea izan arren, jakintza ugari du esparru honetan, eta zenbait nutrizio gomendio eman dizkigu gaurko honetan. 

Joseba Larratxe marrazkilaria da. Ibilbide luzea izan du, kolaborazio ezberdinak egin ditu, baita bere proiektu propioak izan ere. Bere azken lan ezaguna, “Ni ez naiz Mikel Laboa”, adibidez. Bere ilustratzaile ibilbidearen errepaso xume bat egin digu. 

Bidenabar taldea Ane Fagoaga, Malen Alzuart eta Kattalin Arizmendik osatzen dute. Orain dela gutxi sortu zuten taldea baina haien proiektua loratu dela erran dezakegu. Kontzertuak ematen ari dira han eta hemen, eta beraiekin bildu gara. 

Feminismotik ulertzen du bizitza Kattalin Ezkerrak. Musika, Tradizioa, Zaintza, Klase Borroka, Landa Eremua… guztiak feminismotik begiratu ditugu.

Suediako Sokatirako mundialetik itzuli berritan, Amaia Leiza lesakarrak bere magal goxoa eskaini digu. Pasa den udan Australiara egin zuen bidaia nolakoa izan zen azaldu digu, baita egun bizi duen dolu prozesuaren berri eman ere. 

GARAko kazetaria da Maider Iantzi. Urteak daramatza ogibide horretan, eta 25. urteurrenaren harira berarekin bildu gara. Kazetariaz gain ama bakarra ere bada, eta amatasunaren pisuaz, ahotsaz, idazteaz, maitasunaz… hamaika gaiez aritu gara solasean. 

Aitziber Garmendia aktoreak ibilbide luzea izan du eta egiten ari da oraindik. Antzoki eta telebistan ezaguna bihurtu da urterik-urte, eta Euskal Herritik Madrilera salto egin berritan dago orain. Bere magalean jarri gara gaur.  

Esther Carrizo eta Araitz Bizkai artistek En tránsito, personen las molestias antzezlana sortu zuten haien beharretatik abiatuta. Heriotzaren inguruan ari dira, eta noski, bizitzaz ere bai. 

Argazkilaria da Itsaso Alcalde lesakarra. Bere magalean jarri gara eta bere bizitzaren errepasoa egin dugu berarekin, kantuz kantu. Afizioa ofizio bihurtzeko saltoa nola eman duen azaldu digu, bertzeak bertze. 

Laboraria da Maialen Txantre. Beratarra da eta egun Zugarramurdin bizi da, eta duela zenbait urte nekazari izateko apustua egin zion bere buruari. Bere bizitzaren errepasoa egin digu; bere magalean jartzeko aukera eskaini digu. Lehen sektoreari neska gazte baten begietatik begiratzeko aukera ezin hobea izan dugu. 

Irati Otxoteko Arlegi lesakarraren bizitza ezin liteke ulertu txirrindularitzarekin duen loturatik kanpo. Orain arte egin duen bizitza ibilbidea kontatu digu, bizikletaz-bizikleta banatuta. 

Kattalin eta Nenufarrak taldeko abeslaria izateaz gain, NAIZ irratiko kazetaria da Sara Iriarte Lasa. Bere magalean jarri gara eta bihotza ireki digu. Errotulagailu bidez kontatu dio bere bizitza. 

Bertsolaria, idazlea, militantea, kazetaria… eta bertze mila gauza da Maddi Ane Txoperena Iribarren; tartean, hendaiar eta lesakarra. Bere magalean jarrita, haren izaera nomadari erreparatu diogu. 

Kattalin Arizmendi Andueza baztandarra, gaztea izanagatik ibilbide luzea izan duen sortzailea da. Abeslaria da, eta musikaz lagundurik egin digu bere bizitzaren errepaso laburra. 

Garazi Conde Orubek bere bizitzaren errepasoa modu berezi batean egin digu: etxez-etxe. Bentatxo, Arrasate, Mexiko, Donostian eta Bartzelonan izanen gara atal honetan, betiere, Garaziren etxean. 

Bertsolaria eta idazlea da bertzeak bertze Nerea Ibarzabal, aski ezaguna gurean. Kasu honetan baina, modu berezian ezagutu dugu. Bere bizitza animalien bitartez kontatu digu. Bortz atal banatu ditu bizitzan, bere inguruan izan dituen bortz animalien bitartez. 

Ainhoa Portu Garcia lesakarrak helburu bat esleitu dio bere buruari: bere ametsa betetzea. Eta amets hori, munduari buelta ematea da. Egin du lehendabiziko zatia, eta horren berri eman digu.

Denetarik egin du Itziar Telletxea lesakarrak: bidaiatu, medikuntza txinatarra ikasi, musikaria izan, ostalaritzan lan egin... bere ibilbidearen ertz ezberdinak aipatu dizkigu atal honetan. 

Ezagutu dugun lehendabiziko magala Martxel Rodriguez dantzari eta koreografoarena izan da. Lesakarrak bere ibilbidearen laburpen goxoa egin digu.