Ithurbidea kiroldegia, Urruna-Pausu
René Zugarramurdik, «Bidaia»-ren zuzendariak, abesbatza eta orkestrentzat pentsatutako ikuskizuna Hendaian, Hondarribian, Baionan eta Beran taularatu ondotik, Urruñako Ithurbidea kiroldegian izango da abenduaren 2an.
Euskal lurraldearekin lotutako aldi historiko garrantzitsuenak erakusten dira, historiaurretik gaur egunera arteko gertaerak barne hartuz. "Bidaia" Euskal Herri osoko 200 artista baino gehiagok osatzen dute, besteren artean Algortako Biotz Alai, Kanboko Arraga, Lesakako Giltzarri, Irungo IGA, Hondarribiko Eskifaia eta Urruñako haur eskolak. Urruñako kontzerturako mezzo-soprano bakarlaria Klara Mendizabal izango da eta Hendaiako Banda Sinfonikoak parte hartuko du.