Euskara biziberritzeko erronkari erantzunez sortu zen iaz Elealai Festibala Urruñan. Haur eta gazteentzako euskarazko jarduerak eskaintzen ditu egun batez, familia giroan euskaraz bizitzeko aukera eman nahian. Eskolaz kanpoko espazioak euskararentzat berreskuratzea du helburu. Izan ere, Urruñako herriko etxeak Euskara Plan berria osatu zuenean egindako diagnostikoan hainbat hutsune identifikatu zituztela azaldu digu Ione Iosie, Euskara teknikariak.
Iazko lehen edizioaren bilan baikorra egin ondoan, Elealai Festibalarekin segitzea erabaki dute, elkarbizitza, parte-hartzea eta kultura uztartzen dituen egun osoko aukera ematen duelako. «Haurrentzat ez ezik, haiendako gurasoen eredua bilatu nahi dugu ere, euskaldunak izan ala ez, euskal kultura kontsumitzeak duen garrantzia erakusten ahal dietelako haien seme-alabei», dio Iosiek.
Ekainaren 8an, igandearekin, ospatuko dute aurtengo festibala Zokoako kiroldegian, 10:00etatik 18:00ak arte adin eta mota askotariko kultur hitzorduekin.
Egitaraua:
10:00-11.45 Elirale konpainia / Txiotxioka (3 urtetik gorako haurrei)
10:30 Pontx Pailazoa / Denak plazara!
12:15 Stephane Etchegaray & Patrick Larralde / Oihaneko Pìanoa
14:30 Maddi Zubeldia & Bernadette Luro Makila Kixki
16:00 Dantzalai konpainia / FLA FLA FLA
17:00 Alabena konpainia / Plisti Plasta
18:00 Tor Magoa / Le magicien