Bortziriak, Malerreka eta Bertizaranako ekoizle ttikien elkartea da Xardango. Orain dela urtebete hasi zuten beraien jarduna eta eguberrietako saskiak prestatzea izan da beraien proiektu nagusia. Honen balorazio positiboa eginda, 2027rako helburuak finkatu dituzte dagoeneko eta horietako bat saskiak urte osoan zehar eskaintzea izanen da.  Hortaz gain, elkartean arlo desberdinetako ekoizleak batzea izanen da hurrengo urterako asmoa, eskualdean catering moduan funtzionatzeko interesa dutelako. 

Florentzia eta Sevillako hegaldiak irailean martxan jarri ondoren, aireportuak inoizko udazken hasierarik onena egin du. Urrian 49.476 bidaiari jaso ditu, iaz baino %13,9 gehiago, eta hilabete horretan 2023an lortutako marka historikorik onena baino %9,8 gehiago. 2024an egindako urterik onena (486.494 bidaiari) hobetzeko aukera du aurten, hegaldi eskaintza anitza eta azken hilabeteetako dinamika kontuan hartuta.