2023 urteko aurreneko edizioan Beñat Goitia gasteiztarrak "Benizze" musikariak eraman zuen beka, eta joan den apirilean "Basati" diskaren singela aurkeztu ondoren, maiatzean diskoa kaleratu zuen Paradisu Zinema bekaren laguntzari esker. Bigarren edizio honetan ere, parte-hartzaileek datu pertsonalak, proiektuaren azalpena (1-3 orri), eta diska proiektuan egongo liratekeen bi kanturen grabazioa bidali beharko dute 2025eko otsailaren 17 baino lehen paradisuzinemabeka@elkar.eus helbidera. Bertan ere xehetasun gehiago emango dizkiote interesa duenari. Antxeta Irratiak, Elkar eta EHZ Festibalak jakinarazi dutenez, heldu den martxoan emango dute irabazlearen berri.
Paradisu Zinema musika bekaren bigarren aukera martxan
Iñigo Muguruza musikari irundarra gogoan, Elkar argitaletxeak, EHZ Festibalak eta Antxeta Irratiak Paradisu Zinema Musika Bekaren bigarren edizioa aurkeztu berri dute Irunen. Musikarien lanak sustatu eta laguntzeko asmoz sortu zuten, eta musikariei bideratuta, 10.000 euroko laguntza ematen du euskarazko kantuekin diskoa grabatzeko.
Erlazionatuak
"Aurreko diska baina bortitzagoa izango da hau, basatiagoa. Ezkutuan eduki dudana aterako dut"
2024 urt 15 Behe Bidasoa