KRITIKA-BASKEGURREN ARTIKULUARI

Mendi publikoak eta baso-gobernantza herri ikuspegiarekin

Talde politiko batzuen jarrerak kezkatzen du baso-zuraren sektorea.
Hor nonbait BASKEGUR baieztapen honekin, de fakto, konsideratzen du bere burua  basogintza sektore OSOAREN iritziaren ordezkari; baina bere webgunean dioen bezala “Euskadiko EGURRAREN” elkartea dira, ez gehiago ezta gutxiago ere, beraz gure galdera da: nola pontifikatu dezakezue basogintza politikaz egur ustiaketaz soilik arduratzen zaretenak? perbertso xamarra da, gure ustez, parte baten ordezkariek irakaspenak eman nahi izatea orokortasunean, ze Josu Azpitarte, artikuluaren egilea, guk dakigunez, trebatuta dago ondorengo atal honetan, besteak beste: 
Baso Osasuna: Pinudi banden gaixotasunaren aurkako borrokan nabarmendu da Innobandas proiektuaren bidez, prebentzio-tratamendu eraginkorrak eta iraunkorrak baliozkotu baitzituen. Hori dio informazio batek eta gure galdera hau da: Pinudi banden gaixotasunaren aurkako borrokan eta prebentzio-tratamendu eraginkor eta iraunkorrak bultzatu zituen? benetan? ba Euskadiko pinudien panorama eta prebentzio guzti horren emaitza, gaixotasun horri dagokionez, penagarria dasektorea hankaz gora baitago eta egur horrek ez du deus balio eta, bestetik, koniferak bultzatzeko asmoak berriz ere topatzen ari dira gaixotasun arazo sendoekin non etorkizun beltza aurreikusten dugun. Beno ba jarraituko dugu “aditu, tekniko” honen artikuluarekin.