Jonkassen atzean Jon Castañeda dago, gidoilaria, erredaktorea, erreportaria, Bilboko Kafe Antzokiko DJa, Akerbeltz taldeko abeslaria… hori guztia eta gehiago da zornotzarra. Azken hilabeteetan Jonkass egitasmoan murgilduta dago eta, bekari esker, aurten lan guzti horren emaitza ezagutzeko aukera egongo da. Ibilbidearen hastapenetan aurkitzen da proiektua, baina Castañedak berak aurreratu duenez «tabuak apurtzera dator». Gaur egun Euskal Herrian belaunaldi gazteen musika ohiturekin erraz uztartzen den proiektua dela iruditu zaio epaimahaiari.
Aurten 18 taldek aurkeztu dituzte haien lanak, eta denak eskertu nahi izan dituzte beka deialdiaren antolatzaileek. Irabazleak urtebeteko epea izango du proiektua borobildu eta grabatzeko. 2026. urteko EHZ festibalean eskainiko du lehen kontzertua Castañedak.
