Iaz palestinar herria diruz laguntzeko marmitako herrikoi bat antolatu eta gero, Etxara elkarteak elkartasun keinua Hondarribiko herri osora zabaldu du joan den asteburuan. Eta Kasino Zaharreko lorategietan landatutako olibondoarekin «munduko herriekiko elkartasun txokoa» errotu dute betirako. Olibondoa zuhaitz sakratua da palestinar herriarentzat, «lurra, bakea eta erresistentizaren» ikur. Eta larunbata goizean hondarribitar eta palestinar herritarren arteko besarkada solidarioa sinbolizatu zuten ekitaldiarekin. Etxara elkarteko ordezkariekin batera, palestinar herriaren izenean Hatem Hafik hitza hartu zuen ere landaketa sinbolikoan.
Hala ere, asteburua dantzak dakarren pozarekin hasi eta borobildu egin zuten Hondarribian. Izan ere, ostiralean dakbe palestinar dantza tradizionala egiten duen Ipar Zisjordaniako Askar errefuxiatu eremuko Haweia dantza taldearen emanaldia antolatu zuten Itsas Etxean. Eta larunbatean, goizeko olibondoaren landaketa egin eta gero, dantza talde hontako kideek Kemen euskal dantza taldekoekin topaketa herrikoia egin zuten. Palestinar erresistentziaren ikur den dantza irakatsi, eta herritarrak dantzan jarri zituzten Santiago kaleko Madalen plazan.
