Eusko Jaurlaritzako Lanbide Heziketako berrikuntza proiektu baten baitan, tratamendu onkologikoan dauden pazienteen elikadura hobetzeko nutrizio eta sukaldaritzari buruzko tailerra antolatu dute Plaiaundi Lanbide Heziketa institutoan. Saioa, minbizia pairatzen duten pazienteei begirakoa da, eta OSI Donostialdeako nutrizionista Garbiñe Aizpurua eta Pello Amianak eskainiko dute, maiatzaren 8an, 10:30ean. Onkologia 360 gradu proiektuaren parte da proiektua eta izen ematea doakoa da.
Paziente bakoitzaren tratamendu fase eta beharretara egokituko dira osasun profesionalak. Gainera, tratamenduen albo ondorioei aurre egiteko gomendio erabilgarriak ere emango dituzte. Ondoren, Donostiako Cebanc Ostalaritza eta Sukaldaritza eskolarekin batera, sukaldaritza saio praktiko bat egingo dute, errezeta osasungarriak ardatz.