Itsasargiak betidanik izan dira giza irudimenaren pizgarri, argi izpi bakar baten bidez iluntasunari aurre egiten dioten dorreak. Hain zuzen ere, Euskadiko Itsasargien Lagunak elkarteak Menorcako itsasargiei buruzko argazki erakusketa ekarri du Irungo Palmera Montero gunera. “Fars de Menorca” izeneko erakusketa hau 2025eko maiatzaren 19tik ekainaren 8ra egongo da ikusgai, eta bertan argazkien bidez bidaia poetiko eta dokumentala proposatzen zaigu.
Gaur, elkarteko kide den Iñaki Garciarekin hitz egingo dugu, itsasargien xarma, historia eta erakusketaren atzean dagoen lana hobeto ezagutzeko.