Otsailaren 1ean manifestazio nazionala antolatu du Aroztegia Elkartasun Komiteak. Lekarozko zazpi herritarrek 20 urteko kartzela zigorra eta 56.000 euroko isuna jaso dute 2021ean aroztegiko proiektua momentu batez gelditzeagatik. Lurraren kontrako erasoa salatu nahi du komiteak epaiketaren atarian eta dagoeneko Euskal Herri osoko 140 eragile desberdinek bat egin dute euren borrakarekin. 

Eusko Jaurlaritzak 2014an Txingudiko diagnostikoan «premiazko lehentasunezkotzat» jo bazuen ere, 2024 urtea amaitzear dagoen honetan, Plaiaundiko San Lorentzo urmaela handitzeko eta lehengoratzeko proiektuaren lanen arrastorik ez dagoela salatu du Eguzki talde ekologistak. Diagnostiko hartatik hamar urte iragan dira, eta Eusko Jaurlaritzak 2022an 4,6 milioi euro eta lanak 2023rako amaituak egongo zirela iragarri zuen arren, gerora Espainiako Gobernuaren esku utzi zuen proiektua. Ministerioaren aldetik informazio argirik ere ez dago Eguzkiren arabera.