Larunbateko jaialdia Larreaundi-Olaberria auzoan ospatuko da, eta Miguel eta Roberto plazan izango da arratsalde osoan zehar. Ekitaldia 16:30ean hasiko da Bidasoako erraldoien desfilearekin, auzoari kolorea eta mugimendua emanez. Ondoren, 18:00etan, “Munduko janariak” izeneko dastaketa kolektiboa egingo da, jatorri desberdinetako platerak partekatuz.
18:15ean, une berezi bat iritsiko da: arrazismoaren aurkako argazki kolektiboa egingo da, auzoko eta inguruko herritarrek elkarrekin mezu bateratua helarazteko. Argazki horrek kulturartekotasunaren balioa eta elkarbizitzaren garrantzia irudikatuko ditu.
Ondoren, 18:30etik aurrera, musika eta dantzaren txanda izango da, herritar guztientzako ikuskizun parte-hartzailea. Eszenatokira igoko dira Baile Folclórico Guardabarranco (Nikaragua), Dolby Gang (Mali), Selektah Stepi (Mosku) eta Remember (Larreaundi).
Mikel Valero, Larreaundi-Olaberria auzo elkarteko kideak, azaldu duenez, “festibal hau auzoaren isla da: jatorri ezberdinetako pertsonak gara, baina helburu bera dugu elkarrekin bizitzea eta elkar aberastea.”
Kulturartekotasunaren Hilabetea auzo osoaren parte-hartzearekin antolatu da, SOS Arrazakeria, Eguzkitza HLHI, Parean Elkartea, eta Bor-Bor kolektiboarekin besteak beste