Unai Amiano irundarrak ezin hobe hasi du bere ibilbide profesionala. Azken hilabetean 4 1/2 Txapelketako B seriean ari da jokatzen pilotaria, eta aitzinera pausuak eman ditu, finalerdietara ailegatu arte. Pasa den urriaren 25ean, Tolosako Beotibar frontoian, lortu zuen Egiguren V.a garaitzea, 22-15eko markagailuarekin. Eta horren ondorioz, lehiaketaren finalerdietara sailkatu zen Amiano.
Honen ondotik, ostirala honetan, urriaren 31n, jokatuko du Amianok finalerdia, Rekalderen kontra. 21:15ean hasiko da partida, Diman. Beste finalerdia, azaroaren 3an ospatuko da, Tolosako Beotibarren (17:00) Senar eta Muruaren artean.
Finala berriz, azaroaren 8an izango da, Irungo Uranzu frontoian (17:30). Unai Amianok pilotaleku berean egin zuen debuta pasa den irailaren 19an eta orain, final bat jokatzeko aukera izan dezake etxeko eszenatoki berezian.