Elikartasuna kolektiboko kideek etxeko diru-sarreren arabera egingo dute ekarpena, baina jasoko duten saskia balio berekoa izango da guztiontzat. Tokiko ekoizleekin, jatetxeekin eta dendariekin hitzarmenak sortzea da hurrengo urratsa, kalitatezko eta pestizidarik gabeko elikadura bermatzeko. Abendurako 50 kide izatea espero dute. Aurrera begira, egitasmoa Ipar Euskal Herri osora zabaltzea dute helburu.