Gipuzkoako bigarren hiri handiena den Irunen, auzoen garrantzia azpimarratu nahi izan dugu egitasmo honen bidez. Hiriko erdigunetik haragoko auzoena hain zuzen ere. Saretze lanetan jarduten dute egunerokoan, norberak bere auzotik, auzoarentzat baina baita hiri osoarentzat ere. Auzo elkarteen lana azaleratu dugu, auzotarrekin hitz egin, hitza eman. Beren lana jakinarazteko eta aurrerantzean bide beretik segitzeaz gain, belaunaldi berriek lekuko har dezaten.
