Urruñako Emeki festibalaren laugarren edizioa railaren 25etik 27ra zabalduko da. Emakume artistei protagonismoa ematen dien ekitaldiak bertako zein kanpoko sortzaileen talentua ezagutarazi nahi du, musika, dantza eta tradizioak uztartuz.
Aurtengo programazioan kantu tradizionalak, neo-folk musika, euskal dantzak, flamenkoa eta txaranga izango dira. Publikoak kontzertu intimistak eta ikuskizunak ikusteko aukera izango du, bai publikoarengandik gertu antolatutako guneetan, bai eszenatoki nagusian.
Kontzertuak doakoak izango dira, eta Urruñako elkarteek jatekoak eskainiko dituzte. Horrela, festibalak kultur eskaintza zabaltzeaz gain, herriko elkarteen eta artisten parte-hartzea ere bultzatzen du.
Egitaraua
Irailak 25, ostirala
• HORHOR: ahotsa, teklatua eta kontrabaxua uztartzen dituen hirukotea. Itxaro Borda, Francis Jammes, Joxean Artze, Manex Lanatua eta Jean Gionoren testuetan oinarritutako kantuak eskainiko dituzte.
Irailak 27, larunbata
• Manefa: neo-folk ameslari eta murgiltzailea.
• Neskena: «Badoa» euskal dantza ikuskizuna, denboraren inguruan.
• Miren Mey: neoklasikoa, elektro-pop eta euskal musika tradizionala uztartzen dituzten konposizioak.
• Las Flamencas de Catalina: flamenko emanaldiak.
Irailak 28, igandea
• Julia Damestoy Perez: frantsesez, ingelesez, euskaraz eta gaztelaniaz interpretatutako kantu klasikoak.
• Neskaranga: emakumez osatutako txaranga, publikoa kantatzera eta dantzatzera gonbidatzeko.
• Ibawa kolektiboa: «Gaua» ikuskizuna, emakumeen gorputzaren, oroimenaren eta gaur egungo kezken inguruko dantza-lana.
