Pausutik Hondarribira 3.000 lagun inguru batu ziren atzo “Beste Mundu Bat Feminismotik” eraiki daitekeela aldarrikatzeko. Urruña-Pausu, Hendaia, Irun eta Hondarribiko adin guztietako herritarrek eta eragile feministek indarrak elkartu zituzten atzo, Bidasoaldeko kaleak hartu eta patriarkatuaz beste mundu bat eraikitzeko prest. Santiago zubian Ipar Euskal Herriko udal hauteskundeak ere gogoan izan zituzten, hautagaiei feminismotik politika ausartagoak exijituz.

Martxa feminista erreibindikatzailea Pausu-Hendaiatik abiatuko da igandean 11:00etan. “Beste Mundu Bat Feminismotik” lelopean, Santiago zubian (11:30) eta Irungo Zabaltza plazan (12:00) geldialdiak egin ondoren, Hondarribiko San Pedro kalean amaituko da 13:00ean. Gaur Hondarribiko Martxoak 8 plazatxoan egindako agerraldian, hiru herrietako eragile feministek beste mundu baten alde eta «dominazioaren aurka» feminismotik antolatzen eta borrokatzen jarraituko dutela hitzeman dute.