2023ko ekainean mila boluntario inguru biltzeko deia luzatu zuen Recicla-Birziklatu elkarteak "Bidasoa Ibaia Garbi" ekimenean parte hartzeko. Bidasoa ibaia goitik behera eta ezker eskuin garbitu zuten, ertzetik eta uretan paddle surf taula, kayaken bidez ere. Oihartzun handia izan zuen ekimenak, izan ere, Lesakatik Hendaiara, eta Beratik Hondarribira, Bidasoa ibaiaren urek bustitzen dituzten Bortziriak eta Behe Bidasoko herrietako udaletxeak inplikatzea lortu zuten, baita eragile ugari ere.
Julen Urtxegi bideogile gazte irundarra "Balance" (Oreka) dokumentalaren egilea da, 2023ko Bidasoa ibaiaren garbiketa probextu zuen Recicla-Birziklatu elkarteko sortzaileek, Laida, Rober eta Gorkak onartu duten erronka komunaren mezua hartu eta zabaltzeko. 14 minutuan Ama Lurrak merezi duen oreka aurkitzeko beharraz hausnartzeko pieza ekoitzi zuen. Urtxegik dioenez, «surflariek olatuetan behar duten orekaren antzera, gizakiok ere naturarekin oreka mantentzeko beharra dugu».
Gure planetaren degradazioaz jabetu eta gu geu arduradun nagusiak garela erakutsi nahi izan du dokumental honekin, eta Recicla-Birziklatu elkarteko kideek daramaten borrokaren berri ematearekin batera, gizartea itsas-hondakinen arazo larriaz kontzientziatu. «Nik uste dut elkarteak egiten duen lana eta haien mezua ondo laburbiltzen duela funtsean», dio egindako lanarekin kontent, «norbere kontsumo ohiturak aldatzen baditu, merkatuan eta produktuetan eragingo dugu, elikadura industriak erosiko dugun hori ekoizten duelako».
2023an Be Veggie azokan aurkezturik, Youtuben nahieran ikusgai da orain Balance dokumentala.
