Urtarrilaren 31n (21:00tan) kontzertua emango dute Irun Zuzenean aretoan. Kaos Etiliko taldea 'Esfuerzo y Gloria' diskoaren bira bete-betean dabil, eta Trintxerpeko Deklibek borobilduko du gaualdia. Sarrerak 10,25 eurotan daude salgai. 

LHko 2. mailatik DBHko 3. maila bitarteko ikasleei zuzendutako programazioa urtarrilaren 29an hasiko da txikienentzako "Musika Egingo Dugu" saioarekin. Ametsa Txiki Abesbatza, Luis Mariano Lirika elkartea, Udal Kontserbatorioa eta Skola Musik akademiak proposatutako 8 kontzertu pedagogiko antolatu dituzte guztira.