Baztan-Bidasoaldeko Bilgune Feminista sortu berri dute eskualdeko kide batzuk. Dagoeneko aktibo dauden herrietako talde feministak barne-biltzen dituen taldea osatzeko helburua dute, baita elkarrekin landa eremuko errealitateari aitzin egitekoa ere. Azarotik ari dira lanean eta orain, taldea aurkezteko momentua ailegatu zaie. Horretarako, martxoaren 13an, Elizondoko Gaztetxean batzar ireki feminista antolatu dute (20:30), taldearen nondik norakoak azaltzeko.

Baztan, Bertizarana, Malerreka, Bortziriak eta Xaretako feministek urratu zituzten Sarako kaleak, atzo, martxoaren 8an.