Joan den irailaren 30ean, Hendaiako Herriko Kontseiluak sei Auzo Batzorde sortzea onartu zuen aho batez. Orain "Nire hiria, nire auzoa" lemapean, batzorde hauetako ordezkari izateko hautagaitzak aurkezteko epea ireki dute azaroaren 5a arte. Argitu dutenez, herriko etxea eta auzokideen arteko transmisio lanak egiteko, 16 urtetik gorako hendaiarrak aurkeztu daitezke, eta hiru urteko engaiamendua eskatzen dute modu boluntarioan. Hunkitutako auzoan bizi direnek ez ezik, auzoan elkarte edo jarduera ekonomikoren batean dihardutenek ere parte hartzen ahalko dute.

Palmera Montero guneko aurrez-aurreko bileran onartutako hiru proposamenez gain, udal webgunearen bidez jasotako 226 proiektuen artean (193 prozesu orokorretik eta 33 gazte prozesutik), azken fasera pasako diren 13 aukeratuko dute irundarrek irailaren 28an eta 29an online egingo den aurre-bozketan. Irun Txartelarekin identifikatzea beharrezkoa izango da, eta pertsona bakoitzak gehienez ere 5 proposamen aukeratu ahal izango ditu.