Hondarribiko Udalbatzak 34.998.615 euroko aurrekontua onartu zuen atzo 2026 urterako, inoizko handiena, aurtengoa baino %2,15 gehiago. Abotsanitz eta EH Bilduren babesarekin onartu ziren aurrekontuak, PSE-EEren abstentzioarekin, eta EAJ-PNVk joan den astean iragarri zuen bezala, kontrako botoa eman duten bitartean. Udal talde guztien proposamenak onartu ditu udal gobernuak, oposizioko taldeen partetik, orotara, 532.508 euroko aldaketak eraginez.

Igor Enparan alkateak azaldu duenez, «ikuspegi soziala modu transbertsalean» landu dute alor guztietan, eta udal aurrekontuen 14 milioi euro  «herritarren beharrak eta ongizatea bermatzera» bideratuko dituzte. «Elkarrizketa, gardentasuna eta parte-hartzea» bultzatu duelakoan dago udal gobernua, eta oposizioko alderdiekin negoziazioan haien ekarpenak aintzat hartu dituztela diote. Haatik, EAJ-PNVk aurreko bi urteetan abstenitu ondoren, lehen aldiz kontra bozkatuko duela iragarri du.