2025eko kontuen likidazioak emandako 9.747.625€ko soberakinaren 6.225.950€ inbertsioetara bideratzea erabaki du udal gobernuak. «Gerta daitezkeen ezbeharrei aurre egiteko» 3,2 milioi erreserbatu dituzte. Cristina Laborda alkatearen esanetan, «auzo elkarteek eta kolektibo ezberdinen eskaerei erantzunez, inbertsio estrategikoak eta eguneroko beharrak asetzekoak uztartu» dituzte; irisgarritasuna, ekipamendu sozialak eta kirol azpiegiturak hobetzeko inbertsioak, segurtasuna, eta ikasleen zein adinekoen ongizatea helburu duten programak indartuko dituzte.

Udalak aurten antolatutako Aurrekontu Parte-hartzaileetan herritarrek egindako 228 proposamenetatik 12 gauzatuko dituzte. Udal teknikariek bideragarritzat jotako proiektu guztien artean, Berme Taldeak ezarritako irizpideak betetzen zituzten guztiak gauzatuko dituzte. Izan ere, hasierako 200.000€ko partida aski ez zela ikusita, 10.168€ gehiago bideratzea erabaki du udalak, azken bozka faserik egin behar ez izateko. Igor Enparan alkateak aditzera eman duenez, «aurrera egin ez duten proposamenak udal sailetara bideratuko dituzte, eta oraindik badute aukera bere ibilbidea egiteko».