Florentzia eta Sevillako hegaldiak irailean martxan jarri ondoren, aireportuak inoizko udazken hasierarik onena egin du. Urrian 49.476 bidaiari jaso ditu, iaz baino %13,9 gehiago, eta hilabete horretan 2023an lortutako marka historikorik onena baino %9,8 gehiago. 2024an egindako urterik onena (486.494 bidaiari) hobetzeko aukera du aurten, hegaldi eskaintza anitza eta azken hilabeteetako dinamika kontuan hartuta.

Azaroaren 25eko Emakumeen Aurkako Indarkeria Desagerrarazteko Nazioarteko Egunaren harira, egitarau oparoa ondu dute Hondarribiko Udalaren laguntzarekin. Eta arte topaketak, hitzaldiak, tailerrak, erakusketa, kirola eta, noski, indarkeria matxistaren aurkako kontzientzia kolektiboa indartzeko eta berdintasunean oinarritutako harremanak sustatzeko hamaika hitzordu proposatuko dituzte azaroan eta abenduan.