Euskal Konfederazioak euskararen aldeko manifestazio handia antolatu du azaroaren 21ean, Baionako karriketan. "Euskararen Garaia da!" lelopean, euskararen aldeko iratzartze kolektiboa helburu duen dinamika berria aurkezteko bilkura publikoak eginen dituzte Ipar Euskal Herri osoan irailean zehar. Hendaiako, irailaren 16an (18:30) AEKren Txiki Handi gunean antolatu dute, eta hilaren 22an egingo dute Urruñakoa Berttoli elkartean.

Urruñako Elkarteen Foroa larunbatean egin zen, herriko elkarteek egiten duten lana ezagutarazteko. Hogeita hamar bat elkarte inguru bildu ziren herriko etxearen ekimenean. Kirola, kultura, aisialdia eta herrigintza izan ziren ardatz nagusiak. Egun osoan zehar, hainbat elkartek erakustaldiak eta jarduerak eskaini zituzten. Aitor Errazkin Basurko lankidea bertan izan zen