Urriaren 30ean, Errexil Sariaren hitzorduak bertsoz beteko du Urruñako Posta gela. Bertsularien Lagunak elkarteak antolatutako saioa arratsaldeko 19:00etan hasiko da. Eneko Abasolo «Abarkas», Irati Alcantarilla, Haizea Arana, Ramuntxo Christy, Beñat Larrory eta Nahia Sasco arituko dira kantuan, Antton Lannesen gai-jartzaile lanetan arituko da.

Urruñan Gau Beltza ospatuko da urriaren 31n, larunbatean. Hitzordua arratsaldeko 16:30ean hasiko da, euskarazko ipuin kontaketa batekin. Egun osoan zehar, tailerrak eta hainbat jarduera izango dira herritarrentzat. Iluntzean, desfilea, musika, kantuak, dantzak eta su ikuskizuna antolatuko dira. Jarduera guztiak doakoak izango dira, eta herritar guztiak gonbidatuta daude parte hartzera. Ione Josie Urruñako herriko etxeko euskararen zerbitzuko arduradunarekin hitzegin dugu