Frantziako Estatuan deitutako 1.000 mobilizazioen artean, Ipar Euskal Herrian 14:00etan zenbait deialdi egin dituzte Baiona, Miarritze edo Hendaian, baina goizeko 10:00etan Biriatuko autobidea blokatzeko ekintzak ez du segimendurik izan. Jaka horien itzulera izan zitekeena, erregaien prezioagatik eta azken asteetan Frantzia osoa asaldatu duten aldarrikapenekin bat eginez, CGT sindikatuaren presentzia testimoniala besterik ez da izan. Haatik, jendarmeek autobidearen sarbideak zorrotz kontrolatu dituzte.

Martxoan egin ziren herriko bozak Biriatun Bizi listak irabazi bazituen ere, oposizioak helegitea jarri zuen eta igande honetan errepikatu dira hauteskundeak. Odile Cornu hautatuko dute hurrengo ostiraleko kontseiluan auzapez.