Artisauek, antzinako lanbideek eta bertako produktuek Berako karrikak jantziko dituzte igande honetan. 80 postu bisitatu ahal izanen dituzte bertaratutakoek. Zuzeneko musika, talo postuak, bertsolariak, kontzertuak eta bertze hainbat kultura ekimenen konpainian, udazken sasoiko plan borobila proposatu dute beratarrek 38. aldiz.

AIZTI ingurumen zerbitzuetako Amaia Fustek eta Nafarroako Gobernuko Ingurumen Departamentuko teknikaria den Mikel Diazek eskualdeko gaztainadien ondarea, ustiaketa, berreskurapena eta landaketa prozesuak ulertzeko gakoak eskainiko dituzte bihar Beralandeta aretoan arratsaldeko 18:30ean.