EH Baik eta EH Bilduk elkarrekin egin dute aurtengo Aberri Egunerako deia, Irunen egindako agerraldi bateratuan. Astelehen honetan aurkeztu dituzte ospakizunen xehetasunak Irungo Ficoban, eta bertan azpimarratu dute aurtengo eguna testuinguru berezian datorrela, nazioartean piztutako gatazka eta tentsioen artean. Txomin Casteigts EH Bai eta Miren Zabaleta Nafarroako EH Baiko bozeramailearen adierazpenak jaso ditugu

Giza Eskubideen Euskal Behatokiak (GEBehatokiak) Pello Alcantarilla preso ohiaren tortura salaketa berriro irekitzeko eskatuko du. Diego Pérez de los Cobos Guardia Zibileko koronelaren aurka egin zen salaketa 2005ean artxibatu zen. Behatokiaren arabera, Alcantarillaren testigantzak "sinesgarritasun osoa" du. Ikerketa sakon baten ondoren, auzia berriz irekitzea justizia eta egia berreskuratzeko urratsa dela diote.(ARGAZKIA:Andoni CANELLADA | FOKU)