Mugerri elkartea Berako etxeen eta baserrien toponimia berreskuratzen aritu ostean, aurten herritarrak jarriko ditu erdigunean, zehazki, emakumeak. Emakumeena ez bada ageri, ez da kontatzen egia. Horregatik, ezinbertzekoa den aitortza eta berreskuratze memoria plan bat jarri du abian Mugerrik: “Emakumeen arrastoa” proiektua. Informazio baliagarria edukiz gero, bidali mugerri@gmail.com helbidera.

Europa mailako SUBSILIENCE ikerketa-proiektuaren emaitzak modu pedagogiko batean azaltzen dituen "Neandertalen gainbehera duela 45.000 urte: krisi klimatikoa eta Homo Sapiens espeziearen etorrera" erakusketa jasoko du Oiasso Museoak maiatzaren 31 arte. Europako 21 aztarnategitan (Euskal Herrikoak barne) eginiko ikerketari esker, azken Neandertal taldeen desagerpenaren zergatiak argitu eta Homo Sapiensarekin izan zuten hibridazioaz, krisi klimatikoen eraginaz eta gizakion egokitzeko gaitasunaz hausnartzeko aukera paregabea emango du.