Iaz Abadiñon ospatu zen lehen aldiz txapelketa, Euskal Ardi Moztaileen Elkartearen eskutik. Bigarren edizio hau berriz, Elizondon ospatuko da irailaren 19an, Euskal Herriko Selekzioarentzat mugarri izan den urtean. Izan ere, zazpi lurraldeak ordezkatzen dituen selekzioak Zeelanda Berriko Munduko Txapelketan parte hartzea lortu zuen pasa den martxoan, baita Munduko Kontseiluko kide izatea ere. Larunbatean Baztanen zortzi herrialdeetako ardi moztaile hoberenak ariko dira lehian eta horrez gain, erakustaldiak eta azoka ere egonen dira. 

Ikasturtea hasi baino lehen, Lesakako haurrei atletismoa probatzeko aukera eskainiko die heldu den irailaren 22an, asteartean, herriko goiko frontoian, 17:30ean.  Ate irekietako saio hau benjamin eta alebinei zuzenduta egonen da, 2015 eta 2018 urteen artean jaiotako haurrei hain zuzen ere. Bertan parte hartzeko ez da izenik eman behar, haurrek kirola eta modalitate desberdinak probatzeko helburua baitu eta gustatuz gero, ikasturtean zehar izena ematera gonbidatzekoa.