Hendaiako Udalaren, Pirinio Atlantikoetako Departamentuaren eta beste hainbat babesle pribaturen laguntzarekin 2029 urtera bitarteko proiektua garatuko du. Hiru urtetan bederatzi aldiz zeharkatuko du Ozeano Atlantikoa, eta Hendaiako portuan 400 metro koadroko gune tekniko bat egokitu dute, hendaiarrek giza eta kirol abentura honen prestaketa gertutik jarraitzeko aukera emateko. Aurreneko erronka azaroaren 1ean du, Route du Rhum zeharkaldian, Bretainako Saint Malotik abiatu eta Guadalupeko Pointe‑à‑Pitre porturaino 3 542 milia nautikoko (6 540 kilometro) lasterketarekin.