Sokoburu Surf Jaiak zazpigarren edizioa ospatuko du azaroaren 14an
urr 30, 16:33 Hendaia
Sokoburu Surf Jaiaren zazpigarren edizioa azaroaren 14an, larunbatarekin, ospatuko da Hendaian.16 urtetik beherako surflari gazteak izango dira protagonista.Euskal Herriko hainbat txokotatik etorritako 130 surflari baino gehiago bilduko dira bertan. Jaialdia Hendaiako Surf New School eta Irungo Central Surf Eskolak elkarlanean antolatu dute.Ekimenaren nondik norakoak ezagutzeko, Liher Geledan Hendaiako Surf New Schooleko kidearekin hitz egin dugu
Helene Tristan hondarribiarra Gazteriaren Joko Olinpikoetara
urr 30, 11:20 Hondarribia
Txingudi Rugby Klubeko jokalariak Dakarrera (Senegal) bidaiatuko du hitzordu olinpikorako. 17 urte bertzerik ez ditu Tristanek baina elite mailako errugbian dagoeneko leku bat egin du. Pasa den denboraldian Ordizian kokatua dagoen Errendimendu Handiko Zentroan egon ondotik, Gazteriaren Joko Olinpikoetan Espainia ordezkatzeko zerrendan sartzeko deitu dute orain hondarribiarra. Heldu den astean jokatuko ditu partiduak, Txekiar Errepublikaren, Madagaskarren eta Estatu Batuen kontra.
