Indarkeria matxista bizi izan duten emakumeek elkar topatzeko eta babesa jasotzeko gune bat izanen dute berriz ere Bortzirietan, Malerreka-Bertizaranan eta Baztanen. Berdintasun Zerbitzuek Indarkeriarik gabeko bizitzarako espazioa martxan jarriko dute urriaren erdialdetik aitzinera. Hilean hiru saio eginen dira, musikoterapiaren bidez emozioak lantzeko eta ongizatea sustatzeko. Taldea irekia eta malgua izanen da, emakume bakoitzaren beharretara egokituta. Gainera, parte-hartzea errazteko, garraio- eta haurren zaintza-zerbitzuak eskainiko dira.

Astelehen honetan, Irungo San Juan plazan hamarnaka lagun bildu dira Ernaik deitutako elkarretaratzean, azken asteetan etxebizitza duinaren alde Euskal Herrian indarra hartzen ari den mugimenduarekin bat egiteko. Mobilizazioak, gainera, etxebizitzaren auziaz harago, ultraeskuinaren gorakadaren aurrean herri erantzuna indartzeko beharra jarri du mahai gainean.