Bere bizitza intelektuala eta artisitikoa ezagutzara emateko erakusketa intimoa antolatu dute Arma Plazan. Eta azaroan zehar, idazle, dramaturgo eta editorearen figura omentzeko "Torturaren zutoin beltza" liburuaren aurkezpena eta "El hijo unico de Guillermo Tell" irakurketa dramatizatua egingo dute. Hilaren 21ean, aldiz, azken agurra eta omenaldia prestatu dute senide eta lagunek Hondarribiko hilerrian, eta bere errautsek Saseta komandantearen eta José Bergamín idazlearen hilobien ondoan atseden hartuko dute.

Irun izango da Natxo de Felipek eta Kuarteto Philiperenak Euskadin emango duten kontzertu bakanetako bat. Oskorri taldeak 45 urteko ibilbidean argitaratutako 38 diskoen sormen prozesuan bazter batean utzitako kantu abandonatu horiez gozatzeko aukera ematen duen "Abandonatuak" proiektua aurkeztuko dute. Sarrerak azaroaren 5etik aurrera erosi ahal izango dira, 10:00etatik aurrera, udalaren webgunearen bitartez. Prezio orokorra 16,45 eurokoa izango da, eta hobaridunentzat 10,80 eurokoa.