Irun izango da Natxo de Felipek eta Kuarteto Philiperenak Euskadin emango duten kontzertu bakanetako bat. Oskorri taldeak 45 urteko ibilbidean argitaratutako 38 diskoen sormen prozesuan bazter batean utzitako kantu abandonatu horiez gozatzeko aukera ematen duen "Abandonatuak" proiektua aurkeztuko dute. Sarrerak azaroaren 5etik aurrera erosi ahal izango dira, 10:00etatik aurrera, udalaren webgunearen bitartez. Prezio orokorra 16,45 eurokoa izango da, eta hobaridunentzat 10,80 eurokoa.

Kontra (Susa) poesia liburua izan zen “Miguel Hernández” Poesia Gazteko Espainiako Sari Nazionalaren irabazle pasa den irailaren 28an. Duela hilabete pasatxo, poztasunez jaso zuen albistea lanaren autoreak, Ane Zubeldiak (Hondarribia, 1994).