Iaz 6.500 bisitari jaso ondoren, «kontsumo konbentzionalari benetako alternatibak daudela» erakutsi nahi duen azokak urrats bat gehiago egin nahi du bere zazpigarren edizioan. Hazkunde bizian dagoen mugimendu beganoaren eskutik, 63 erakusketari eta 40 jarduera baino gehiago proposatuko ditu abenduaren 6tik 8ra, gastronomia begetala, kontsumo alternatibak, ekimen sozialak eta animalien eskubideen eta ingurumenaren alde lan egiten duen aktibismoaren erakusleiho bilakatuz.

Euritan ernatu da Lesaka, baina jendea joan-etorrian ibili da Plaza Zaharraren bueltan. Feria eguna ospatzen dute gaur, eta nabari da herritarren gogoa. Aurten ez dute aziendarik atera kalera, baina artisauek postuak muntatu dituzte eta musikariak eguraldi txarra alaitzeko ahaleginean aritu dira. Eguerdiko poteoan harrapatu dugu jendea, aterkia eskuetan.