Tokiko erakunde, eragile eta norbanakoei zuzendutako jardunaldiak eskainiko dituzte larunbata honetan Donezteben. Elikadura burujabetzarantz bideratutako pausoak partekatuko dituzte solasaldien bidez. Izen emateko epea irekia da urriaren 1a bitarte. 

Irungo Sagarrek proiektuaren Olaberria eta Meakako sagasti nagusien inaugurazioa egin ondoren, Oihana Rekaldek Sagarfest kultura-topaketaren lehen edizioa antolatu du. Sagarrak ekologikoan ekoizten ditu sagardotarako, eta sagarrondoen ziklo naturala ezagutzara ematearekin batera, Irungo nekazal lurrak babesteko beharraz sentsibilizatu nahi du. Maiatzaren 10ean goizeko 10:00etan Meakan garbiketa auzolanean egiteko deialdi batekin hasiko dute eguna, eta ondoren, egun osoko festa antolatu du Borda-Txiki tabernaren atzealdean dituen sagastietan.