Zazpi lurraldeetako zazpi gaztek idatzi dute aurtengo Korrikaren lekukoan joan den mezua; Aitzol Gil de San Vicente hendaiarra da haietako bat. Euskara gorputz anitz eta engaiatu bilakatu dute mezuan.

Bilboko amaiera ekitaldira joateko autobusa antolatu dute Oiartzundik igandean. Hendaian eta Urruñan, berriz, eskolartekoek Korrika Txikia ospatuko dute ostiralean, eta Hendaia Euskaraz programa borobiltzeko haurrentzako animazioak eta Tapia eta Leturiaren kontzertua izango da 20:30ean Gaztelu aretoan. Hondarribian ere, “Esnatu ala hil: euskararen oraina eta geroa” hitzaldia emango du Gari Goikoetxeak Arma Plazan, Korrika Kulturalaren baitan.