Prebentzio Komunitarioa, Auzoekin programa eta babesgabetasun egoeran dauden Adin Txikikoen Arreta Psikosoziala bertan eskaintzen hasi dira dagoeneko, baina harrera eta zerbitzu orokorrak oraindik ere Panpinot kaleko bulegoetan eskaintzen dituzte. Azaroa eta abendua bitartean Gizarte Zerbitzu guztiak bertan zentralizatzea aurreikusten du Hondarribiko Udalak, eta instalazio berriak zerbitzuaren araberako hiru sarrera independente izango ditu, edozer premia duela ere, herritarra «eroso eta seguru sentitzeko».

Seaskako Integrazio Batzordeak, bere ikasleei zuzenduriko surf ikastaro bat antolatu du Hendaiako hondartzan agorrilaren 26an. Ikasgeletatik at, elkartzeko, jolasteko, ongi pasatzeko eta familen arteko sarea areagotzeko helburuarekin antolatzen dute ekimena. Hiru urte dira ideia gauzatzen hasi zirela eta harrera beroa egiten diote familiek.