2008ko Gizarte Zerbitzuen Legeak definitu eta 2015etik udalei exijitzen dien lehen arretaz gain, lantalde integrala osatu du Hondarribiko Udalak arriskuan egon daitezkeen adin txikikoak identifikatu eta babesteko. 2 hezitzaile eta laguntza psikosoziala emateko psikoterapeutekin, Gizarte Zerbitzuetatik ez ezik, kaleko hezitzaileekin eta eskolekin ere harremanetan egongo dira. 

Hondarribiko Udalak herrian bazterkeria egoeran edo kale gorrian dauden pertsonen zenbaketa ofizialean parte hartuko du aurreneko aldiz. Eusko Jaurlaritzak EAE mailan bi urtetan behin eta 20.000 biztanle baino gehiagoko udalerrietan egin ohi duen azterketa urriaren 23tik 24rako gauean egingo dute. Hondarribikoa auzoka egiteko bolondresak bilatzen ditu Udalak.